الكرة الارضية
غناء : جي فاير & لامار
القاء الشعر : صهيب السامر
اعداد اللحن : جي فاير
كلمات الشاعر : صهيب السامر


بيا هموم كسرت ظهري كسرة عود بعد ذرة قهر صدكوني ما احمل
بعد ما اريد اضل بهالارض هالكون بس وكفوا الكرة الارضية حتى انزل
واروح لـ فد مكان ببالي مثل الطيف من هم الارض ما بيه ولا قطرة
واجمع ذكرياتي كلهن بصندوك واحركهن حرك ما ابقي اي ذكرى

مليت من عمري من حالي هذا وقهري
اتمنى اروح بعيد و اي شي بعد ماريد
مليت من عمري من حالي هذا وقهري
اتمنى اروح بعيد و اي شي بعد ماريد

اوف احرك اي جرح شفتة بحياتي و راح لأخر مرة نزلت بيها دمعاتي
يعني لحد قبل لحظات او فد نوب احرك عمري و اخلص حتى من ذاتي
ضايج من عشك ما بيه بشر حساس و صفى حبل الجذب للناس مرجوحة
و اذا واحدنا ما يلكى الي يغدر بيه يباوع بالمراية و يغدر بروحة

ضايج من وكت خلى النذل يرتاح و خلى ابن الاوادم ليلة مايغمضه
كعد حظ ال* و باوع المظلوم كطع رجلين حظه و ما كعد حظه
ضايج من صديقي الـ كضى عمره وياي هذا الكلت عنه اي شهم زلمة
انطيته الثقة العمياء بس بعدين طعني و ثبتلي صدك جنت اعمى

ارتاح ياريت بالموت حسيت
ارتاح ياريت بالموت حسيت

همومي ظلت يمي ما راح شي من همي
والكون ظل يدور وكلبي ظل مقهور
همومي ظلت يمي ما راح شي من همي
والكون ظل يدور وكلبي ظل مقهور