منتديات عراق نت
Test

آخر المواضيع
الموضوع
تاريخ ارسال المشاركة
بواسطة
نتائج السادس علمي ، ادبي الدور الثاني 2013 جميع المحافظات
محصلتوا نتائج السادس علمي 2015 ؟؟
صخر
قلت لها
دعوة الى كافة العراقيين والعرب للتصويت للشابة العراقية الناشطة فاتن مهدي الحسيني
منظمة أوروك الاعلامية المستقلة تباشر تفعيل موسوعة شخصيات عراقية
رئيس منظمة أوروك الاعلامية المستقلة يزور الزميل حيدر شكور للاطمئنان على حالته الصحية
حملة منظمة أوروك الاعلامية المستقلة لمساعدة النازحين في بغداد
ما لا تعرفه عن رئيس الوزراء العراقي المكلف...
نتائج الثالث متوسط 2014 الدور الاول
الخميس ديسمبر 17, 2015 5:35 am
الجمعة يوليو 24, 2015 3:40 am
الإثنين يوليو 20, 2015 2:02 pm
الأربعاء أبريل 08, 2015 3:12 am
الثلاثاء ديسمبر 02, 2014 1:08 am
الإثنين ديسمبر 01, 2014 5:20 pm
الأحد نوفمبر 23, 2014 4:32 pm
الخميس نوفمبر 20, 2014 5:12 am
الأربعاء سبتمبر 03, 2014 11:47 pm
الجمعة يوليو 11, 2014 9:41 pm
Most Wanted
قــمــر
Most Wanted
محمود الربيعي
nada.press
nada.press
nada.press
nada.press
nada.press
Most Wanted


تابع كل جديد وحصري على صفحتنا أضغط .

أعجبني ...

 

معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

السلام عليكم ورحمة الله وبركاته

من احب الشعر احب سمير صبيح بلا شك

من هذا العوان
سوف ابدي بعمل شي قليل لجبل الشعر الشعبي العراقي
شاعر الفقراء
الشاعر المبدع المتألق
((سمير صبيح))

سوف اجمع جميع قصائد الشاعر سمير صبيح بهذا الموضوع
وعلى الراغبين بالمشاركة تنزيل قصائده شرط تكون غير مكررة بالموضوع

نبذه عن الشاعر سمير صبيح

الاسم الثلاثي واللقب
سمير صبيح ضاحي القريشي

ولد في بغداد سنة
1970
في مدينة الصدر تحديداً

وعاش في مدينة الصدر حتى سن الثالثة من عمره
وفي هذه المرحلة من عمره طلق والده امه وزوجته الاخرى
في لحظة غضب

انتقل بعدها مع اهله الى منطقة جسر ديالى

بسبب عمل والده


تكفلت اخته الغير شقيقة ام علي برعايته
وتزوج ابوه زوجة اخرى وهي من تكفلت برعايته لاكنها كانت تقسو عليه كثيراً

تأخر سمير صبيح بالالتحاق بالمدرسة الابتدائية كثيراً
لعدم امتلاكه هوية الاحوال الشخصية التي لم يأبه بها والده

وحيمنا التحق بعدها للصف الاول الابتدائي كانة كبيراعن بقية اقرانه
لذك كان استيعابه كبيرا للدراسة اكثر منهم
فقد كانة ذكيا ومتميزا طيلة فترة دراسته الابتدائية في مدرسة واسط الابتدائية متوسطة المنال للبنات الان
في الصف الخامس الابدائي صدم سمير صبيح عندما طلب والده منه الذهاب معه لرؤية امه الحقيقية
التي لايتذكرها سمير اصلا سوى انها ميتة
وكان يعتقد بأن زوجة ابيه الموجودة هي امه في الوقت الذي كانت تعيش فيه امه الحقيقة
مع اهلها في بستان في اطراف مدينة بغدادفي بيئة ريفية تماماً
وحين ذهب الى امه وهو في سن الوعي ارتمى الى احضانها وكنها هي من ربته وكانه يعرفها من قبل
والتسق بها تماما مما راهو منها من حنية وامضى العطلة الصيفية اكملها مع امه في هذه البيئة الريفية
وحينما وصل سمير الى الصف السادس الابتدائي كانت هناك موجة شعرية
في المجتمع العراقي وخاصة الشباب منهم وهي موجة الدارمي والابوذية
وكان سمير اكثر الشباب ممن يرددون هذا النوع من الشعرالذي وجد فيه سمير ضالته
فحفض الكثير وردد الكثير وحاولة ان يقلد ذلك كتابتا
وفي دراسته في متوسطة الحضر للبنين الماسئية
حيث كان يعمل في النهار وفي الليل يذهب الى المدرسة
بدأة الخطواط الجادة نحو الشعروذلك عن طريق تأثره بشعر المتنبي الذي قراه
مرات ومرات دونه فهما كاملا له الى انه حاولة الدخول اليه عن طريق الكاتب انيس شرارة الذي خدمه في ذلك
ضل سمير يقرأ الى ان تعلق بنوع اخر من الشعروهو شعر الاغنية الذي عجبه كثيرا فأخذ يسمع الاغاني ثم يكتب اشعارها
ليتعلم كيف يكتب الشعر الغنائي ويبو انه لم يتأثر بأي شاعر واي شعر بل تاثربأشعار واغاني الشاعرين الكبيرين
زامل سعيد فتاح وكاظم اسماعيل الكاطع
بالذاة دون معرفته بأن تلك الاشعار لهاذين الشاعرين

ذهب سمير الى الجيش الشعبي حيث كان امام اختيار صعب
بين ان يذهب هو او والده
فقرر هو الذهاب
وبقي لمدة سنة
ومن الجيش الشعبي
ذهب للخدمة العسكرية وبقي لمدة سبع سنوات اي المجموع ثمانية سنوات في خدمة الوطن
وهناك تعرف على ضابط جيش من اهل العامرة كان يكتب الشعرالفصيح هو الشاعر حيدر مانع الحجاج
وتعلم على يده الكثير والكثيرومن خلاله تعرف على شعراء العمارة وكانت انطلاقتة الحقيقية من ميدنة العمارة الحبيبة ميسان
وبالتحديد من خلال الشاعر محمد علي الزبيدي والشاعر حسين زامل هم من وجهو سمير الى الطريق الصحيح
انتمى سمير الى منتدى شعراء مدينة الصدر وتعرف على الكثير من الشعراء
ومنهم الشاعر حمزة الحلفي والشاعر الشهيد رحيم المالكي وححسين الشريفي وجواد الحمراني طالب الدراجي
غني محسن محمد الغريب هاشم العربي كل هذه الاسماء سبقت سمير بالتجربة لاكن سمير وكما قلت
في فترة العسكرية تعرف على شاعر من اهل العمارة واستفاد من خبرته كثيرا
اول قصيدة كتبها الشاعر سمير صبيح هي قصيدة انة همومي
سوف اتطرق اليها لاحقا
كبر سمير اسما وعنوانا واول مهرجان شعري اشترك فيه هو مهرجان الرباط
حيث تفاجأ ان اسمه موجود بين عمالقة الشعر الشعبي في العراق بهذا المهرجان هنا احس سمير بما وصل اليه واحس بمسؤلية كبيرة
قرأ سمير في المهرجان عدة قصائد منها قصيدة انة همومي وقصيدة اشكالولك علية
سوف انزل هذه القصيدة لتنصدمو بكلماتها بكل تأكيد
سمير شاعر عراقي اصيل له خمسة اطفال مهنم بنت اسمها دجلة
وولد كبير اسمه على كتب له قصيدة علاوي ابني كبر

تحياتي واحترامي واجلالي للشاعر سمير صبيح
هذه حياة الشاعر سمير وهذه الضروف صنعت هذا الجبل

سوف انزل قصائده بالتوالي اتمنى من الله التوفيق في هذا الموضوع

قصيدة انة همومي
انه همومي جهال وترضع ادموع
اكضي اليل اللولي وما يهيدون
اغفي ابهذا يكعد ذاك ويلوع
ويفزون اعلى صوته ماينامون
الكبر منهم فطمته وياكل اضلوع
شسوي اشلون لو كلهم يكبرون
جنح بيه انكسر والثاني مخلوع
وطرت كوه على اعناد اليكرهون
بس اسمك نهر والماي مكطوع
وانة اعلة الجرف الهث بلعيون
اون بسكوت موش ابصوت مسموع
وانه اجروحي علج والوادم اسنون
من عرگه الفرح من روحي مشلوع
وشتل حزنه الزمان ابنص العيون
عشت عمري أبيتم ومكمط ابجوع
ورضعت الظيم من دون اليرضعون
ويمرني العيد وانه ابثوب مركوع
وعيديتي جرح عكس اليعيدون
تمنيت الوكت لو يرجع ارجوع
وانه امسودن وكولن يرجع الكون
بعده اخضر عشكنه وتوه مزروع
واجو ربعي ابمناجلهم يحصدون
يونس زين عمي ابحوت مبلوع
وانه ابحلك الشماته المايرحمون

قصيدة اشكالولك علية
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
ما يدري الوكت لو عكس هدة خيل
اللي يطيح بدربهه جدامهه تسحگه
وذبحني مناطرك غيم ومطرها يطيح
گظت شوغات روحي لهفة الملگه
مثل فزة مفارك من تجيني بطيف
اشبكنك وافز وكلشي ما ألگه
مو ذنبي تره لبعض البشر مالوك
لان طبعي صريح وراسي مادنگه
اللؤلؤء باللضم كلش جميل يصير
بس هوه الحجي عالرگبه التعلگه





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة تكلي اكتب عل غزل

اتكلي اكتب عالغزل عن البنات
ياترافه تريدهه بشعري التفات

تكلي شعرك ليش اهات ودموع
انته حقك ما شفت خط الشروع
انته ساعة سين تعرفهه اشتلوع
الغايه تعرفهه تعرف الهاونات

شعري فك عينه لكه كباله نطاق
وبندقيه وسفري وحب العراق
حب له وحده والمواعيد التحاق
وجان موعدهم يتم بالعارضات

شعري شاف الموت ما شاف الورود
لا بنفسج لا اغاني لا وعود
الشاف ذوله كباله يكتب عالخدود
الشاف بعيونه التعوق واللي مات

هناك عندي عيون ظلت ما تنام
حته يبقه براحته يطير الحمام
هناك عالساتر عشت قصة غرام
جنت عاشك راجمه من الراجمات

وخلي اسولف لك بعد عن الحصار
والدمار الصار ما مثله دمار
ليل بغداد القصف سواه نهار
وخدج اطفال انتهو بالحاضنات
ويا ترافه تريدهه بشعري التفات

من الصبح لليل اركض عالالف
بس طماطه و خبز ويخللص نتف
ونته مني تريد اكتب عالزف
شلون يثبت بالتراجي الغافيات

ويا علاقه اليوم مابيهه دغش
والعلاقه الطيبه تنشال بنعش
اشتعتقد سوزان ترتاح الشلش
لو دهش كشاخ وتحبه نجاة

عدنه ليله تبيع بالوكفه دهن
وقيس حمال ويكد بس عالبطن
من اسالت جوليت كالت بالسجن
روميو التعبان بايك تايرات

وخلي اوكف لك دمع عيني اليسيل
عن بثينه توكفه يحجي لك قليل
عدهه ست اطفال صارو من جميل
كلهم ايجدون بالشارع حفاة





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة يردونك تضيع

يريدونك تضيع وانتة نور بليل
وتموت من العطش يالماي يردونك

ويضيعونك عجيب وانتة مثل الريح
وين بيا مكان اتضيع يلكونك

مشوك بدرب ما مات جدمك بيه
وحتى اتضيع كلش شدو اعيونك

وغشو عينك وايدك مزنجلة ومجتوف
تهد هدة اسد لو ناس ينخونك

يل المغفي الجمر منقلة وبيك اتنام
وهمة رماد موكة ما يجوونك

اذا ظلك طلعته وظل وراك ايحوم
ابد لتخاف منهم ما يظلمونك

عاشرنة التعب والاه والحرمان
كلها لخاطرك ولخاطر اعيونك

صرنالك جسر للنجم عبرناك
وصغنة من الحزن ضحكات لعيونك

تعلكنة قطع سودة وعليها ارواح
ما جنة قطع لا كحله لعيونك

يردونك صبخ والملح ياكل بيك
ويردونك تبور وما يزرعونك

ويردونك تجف والماي يطلب ماي
ويردونك تنام وما يندهونك

ما يدرون عركك بالارض ميموت
ترد تحيه وتعيش شما يكطعونك

ذاك حسين حي وصير انتة مثل حسين
بالشدة الخريطة اتصير ميمونك

يااااا مدري شوصفك شرد اكولن بيك
عراق والعمر ما يسوة من دونك

ليلى انتة صرت والمثل ما ينقاس
وشعبك من محبتك صار مجنونك

قصيدة كلامك


كلامك ع الگلب دوسة حوافر خيل
تلكـتهن لكت والحـافر يغـرز
ظميت السوالف غصبن على الروح
لان ادري الصدك من ينحچي يبزز
وشربت الحزن من دمي انه اسنين
وشربته دمـع من گـال لي معوز
اگمز ع العنب ما الوحه ايديه اگصار
خلصت العـمر ع المامش تگـمز
درخيلي الحبل ما عندي جنح ايطير
دم رجلي انحصر واحبالك اتحزز
لا تلوم الزرع من يفسد من الريح
البراد على الـدفو لو سـير يفزز
وگلبك مو گلب صخرة وعليها اضلوع
وانا حالي نسيم بصخرتك شيهز





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة مايمشن علي

ما يمشن عليه مشيتهن مجبور
وأظاهر محب وأذبح ادموعي انذور

ولا عبرن عليه وحالي حال الناس
أعرفهم حمام شلون اكول اصكور

ولو جرحي انفضح ميستره ثوب الحال
ويسألوني وكلت لا على الشمس مشرور

ومرت جثتك جناز بيه الليل
صرت انه السدر والماي والكافور

ولا نفسي دنت حطلي الطمع ماعون
كلي اخذ شتريد وكلت لا مشكور

ما دور بعد محصولي بالبستان
لان شفت الحرامي مصاحب الناطور

المستنقع نشف ظل بي قليل الماي
بعد طكت شمس ويبين المستور

ويبن الفعل والما وكع والطاح
وبين النصب والجار والمجرور

واتلكه الفرح ملكة طفل للعيد
وأفور دلتي كد ما دليلي يفور

قصيدة باب الحوائج
اجفوفك سيدي انتصرن علة السجان
كرامة وتضحية لكل ثائر ايزرعن
اجفوف البلسجن جانت عليهه اغلال
من ربك منائر عللارض طلعن

مناير من ذهب عوضلك الجفين
مرفوعات لله بكل وكت يدعن
وقبتين الذهب جن فتحت القران
وعيون اليطوف ايلبن ويسعن

تقضي الليل قائم والنهار اصيام
تجوع معدتك وافكارك ايشبعن
لحم كصتك يموت وينشلع ويطيح
بسجودك والخجل قطراته ماوكعن
الطيور بحضرتك وقت الغروب اتهيم
يقينن وي صلاتك كلهن ايخشعن

وملايين الجفوف التحضن الشباك
ترضيهه بكرم موخالية ايرجعن
ترضيهه بكرم موخاليه ايرجعن


قصيدة كتبنة اعلة الجرف
كتبنا على الجرف أسماءنا بعود
وحفظها الروج ذمة بركبة الطين
وخلينه النوارس على الحجي شهود
ودفنه أسرارنا بفي البساتين
وغفينا الدمع بأحضان الأظنون
وحدرفي بالزلف نامت سوالف
وأخذنه من الحزن كحلنه الاجفون
وكطعنه الحيف من غصن الشفايف
السهر صيدة نسر وجفوفه الأعيون
أمان ويلزم بجفوفه خايف
لاتمشي الأمل بدروب الوعود
ولا تأمن جرح بجفوف سجين
ولا يغرك سماري وسود الأخدود
دم أبيض يصب من ينزف التين
وأحرث كاع عينك وأزرع النوم
البالي الك محد يطوله
والزغر النفس وبروحك تلوم
إذا كالوا نجم كلهم ننوله
النسر بليل يحسد طيرة البوم
السهم يكتل رغم شدة نحوله
شعر راسك طويل مغطي الزنود
الرمش مابي قليل وحافظ العين
عطش صحراء قيسة وعاين الجود
عطشها شما كبر بميته يلين





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة رماية اسهام

بقينة على الجبل رمايت سهام
ونزلت غيرنة تلم الغنايم
نصبر عالعطش ما نحفر البير
بس نحفر متر تطلع جماجم
من الكاروك غير يمر بالاعراس
بوجهة يروح لآحضان المأتم
ادك عالروح محد يفتح الباب
نهار الليل وتخيل ظلامي
لا ميصير لا والناس لاعيب
هذن كلهن عطش ذبحن غرامي
خذت دور الفقير وكيفت بيه
شجاني وماخذت دور الحرامي


قصيدة اذا جنحك علة

اذا جنحك عله لتشوفة حجم زغير
الغابة اشكد جبيرة بعود تشعلهة
تصح بيهةكصص ما تعلرك من العيب
وتصح بيهة كصص بحجايية بحجاية تكتلهة
هي خضرة كلتله اعدلهة خاف اطيح
من يبست الكاع يريد يعدلهة
اضربلك مثل وحكم عليه بهاي
اكل جدمي الرمل وادري المسافة اطول
كمت اوكف واطيح وكلت اكملهة
لان دزو امانة بجفي حفنة ماي
نكضني العطش مادنت نفسي علي
كمت ابلع بريجي وكلت اوصلهة
اذا عزة نفس عندك تفوق الناس
وهي شتلة شوكت متريد تشتلهة
ومثل هرش الشجر واشربلك الماي
وكل هذا الخضار البيك مني
وانه ابنص الملح وامشابك الطين
وبلابلنه على اغصانك تغني
وتمر الريح بيه واحضن الكاع
وتريد اتروح ويه الريح عني


قصيدة منو مثلي

منو مثلي الثلج امنه ابجف الصيف
و كله ايدير باله اتلوحه لحروره
و منو مثلي اعله نيته شلون طير الهور
اجه بلهفه و حنين و ما حضه بهوره
و منو مثلي سكت شاف الزرع مبيوك
و دره البوكات كلهه بيت ناطوره
ولو روحي بنفسهه تريد كلشي ادكول
اعض شفتي و اكلهه الكاع محضوره
على بختج يروحي مالي حيل الروج
و شراعي تعب و الدفه مكسوره
و ولا ساحل بقه و ادري الصخر ميطوف
حتى اتعب و ادور صخره مشموره
و عتبنه اعله الصبر يا روحي مو عالعين
اذا ميصير سد الدمعه معذوره

قصيدة راضي بعشرتك

راضي بعشرتك لو تبقه بس نضرات
احس ذني اليه و هذا يكفيني
مبارك عالجرف بس كون اشوفك ماي
صخره الروج فوك و لا ترويني
بعد ما ضل ذهب حتى افرك المصباح
و المارد طرته اشعنده ينطيني
حركتي البالكلب تطلع عليه بساع
شما الزم جمر ما احسه يجويني





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة سمتك محنة
سميتك محنه وعاطفه واشواگ
لهو تگظي وكت شتريد سميني
واخذ شتلة غرامك يا عشگ يا شوگ
بس عاگول صدگ انته تنطيني
دخليني اعلى بختك انه ما مجبور
بيدي انحت اله واكفر بديني
وليش اطلع شمس وادري انته طبعك ماي
وتصعد غيم منه وتوگف بعيني
بلبل والقفص لا تحطني بالبستان
يا غصن اليميل بنار يچويني
كبرت اعلى السهر ومروتك سچين
شلي بكحلة غرامك كون تعميني
العشگ عندي عشگ ما عندي هيچ وهيچ
ات*** واجيك وما تتانيني
ولو حسبه حلم طيش الشباب يعود
مچتفني الوقار وما يخليني
وگلت عيني اعلى نيتي وشفت ظلك فات
وعلى طينة خيالك غمست عيني

قصيدة عراق الياوكت
عراق الياوكت للضيـــف تشعل نار

وبهدومك تطب لو جاع خطارك

امس جارك سكت بالجذب ما مر بيك

وأنت تصب حزن من ينجرح جارك

يضل ثارك كصب كلما نكصه يطول

شوكت سيفك تغمدة وينوخذ ثارك

دكة اعلة الخشب لا ادكه عل الحيطان

وعلى شيل الصور لا تعلكه بسمارك

ولا ترد بدرب ما بيه عذر واتيه

وجيب وي النذر سجينة أعذارك

على المرمر غلط لا تخسر المنشار
كص خاوي الخشب ينهاب منشارك

وأشمر يوسفك بس ذب وراه تراب

مو كل بير صدك يحفظ أسرارك

أمس كل العرب وكفوا مع الجلاد

يمدونه حطب من تنخمد نارك

عمرو موسى الشمر والجامعة بن زياد

وعراق انت الحسين وشعبك أنصارك

آنه هذا الوطن حالف له بالعباس

ما اخونك كلتلة اشما قست نارك


ولامونا كبل ما ثرنا عالطاغوت

ويطعنوننا ولا راعوا مشاعر
واحنا بكل فرع مزروع بعثيين

وبين الباب والشارع سواتر

أغيره بيش أغيره بيا شعب مظلوم

بلي ايجدون بالباعو جكاير؟؟

أغير بيش أغيره وانت بيه تلوم
باليصفكـــــــــون بالباعــو ضماير

مو بس الارض تلكون بيها كبور
احفروا بكل قلب توجد مقابر

قصيدة ترستك ماي خوة

ترستك ماي خوة لا نداوة الكــــيت
طلع جودك شبج واسراري تتطشر
خاويتك عشب وي كل نسيم اتميل
جربتك شجر بالريح تتكســــــــــــــر
ومن صارت صدك ردتك ولو حاجـــوز
وغصب عذرك قبلتة اتخاف تتعـــــور
بزلاتك اضم ردتك ضمير اتصـــــــــير
وجذبت الصدك حتى انت ما تخسر
وعاونتك علي من شفت عذرك خاب
وقنعت النفس كلتلها يتغـــــــــــــير
لا كصرك طول لا فاض بيك الطيب
لا شمسك علت والراكد اتبــــــخر
لا مدك وصل والعين شافت نـــــور
لا كصرك طول لا لغزك اتفســــــــر
كدامك طحت ما شفت وجهك كام
وهاك ابسط مثال وشوف واتصور
ولك خشبة بطبر فركست جف حطاب
من شافت حطب كدامها اتطـــــبر
وجبت تعبي درب صغتة بعدالة ماي
يا درب الاصوغة وبعد ما تعثــــــــر
ياليل اليظل لو فجر يتعــــــــــــناه
يا كلب اليدك لو دمة يتخـــــــــثر
يا ذل النهر يقبل سواجي ايصير
وكبل كل السواجي الماي يتنطر
كلت تطرح ثمر غرني الخضار البيك
وبقت روحي اعلى فيك تالي تتحسر





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

قصيدة راضي
راضي علة هذا الجرح
رغم الجرى والصار

علمني كثر النزف
اعرف نوايا البشر
واعرف شلون اختار

هواي بطبعهم رمل
بس الضميرة صخر
ما ياخذة التيار

وغيرني هذا الجرح
مو ذلك انة الجنت
بالمي اظم احجار

هسة اعرفت ينوكل
من يا مكان الجتف
وانكشفت الاسرار

وهسة من اشوف السعف
بوجه اكلة سعف
ما اوصفة بالجمار

وما ظل بعد للصبح
مد ايدة جف الفجر
ظل الصبح مشوار

بجيت طيور الحزن
الناس صارت شبج
وانة الوحيد اشجار

والعين الهة صور
ع الحايط معلكة
معليهة بالبسمار
شعليهة بالبسمار

قصيدة هنيني بعد

هنيني بعد و انكت غبار الضيم
صار سنين محد هيج هناني
هنيني بعد خلي الجروح تهيد
و خل تسكت بعد مسحات دفاني
دحط ساتر فرح وادحر جيوش الشيب
مو وصلت زحف لوجوه رضعاني
مو كافي الثكالى تهلهلنا دموع
و تتورج عليها عيون جيراني
مو كافي العمر رافع شراع الموت
مبحر للمنايه و موتي سفاني
مو كافي المنو اندكت وشم عل الباب
يمتى اصرخ هلى بدكات بيباني
كافي ازرع جثث غصت لهات الكاع
ما يطلع ورد بخدود بستاني
مو جبنه العمر نختار بس لونين
الاسود للحزن و الابيض جفاني
ويا روجه التجي بعيوني مرسه تصير
اكل للروح مرسه وتقوه ذرعاني
وحضنك نار كبره وما جوتني النار
وعد غيرك طفو ورماد جواني
بس وشاربك يا عراق ما ذليت
ولا بردت كهوتي وطاح فنجاني
بعد نار المضيف ادلي المتيهين
وابو بيت اليجي وخطار يلكاني
انه معلم الارض تكتب اسمها شلون
عاين عالشمس عنوان تلكاني
وبعد جسر السوير يعبر الثوار
وتشضت عالعكل صولات شعلاني
وبعد راح الضلام الجنت اهمن بي
الحبل وله وكطعته الجتف الساني
امس انه السجين وهسه انه السجان
ولان املك ضمير تعافه سجاني
ما جن الظهر راواني بيه انجوم
وسحك فوك الجمر بهداي مشاني
زرع كاعي واحصده وحصتي جوع الجوع
ومصدة ريح حربه الجار خلاني
بمواسم هجرته شكد هاجرت العقول
وترد هسه الي وتعيد بنياني
مو اصبع بلم حنيته للدستور
وعبر مثل السهم بعيون عدواني
انفتح باب الحلك وسنوني كلها طيور
وطارت بالسمه ضحكات هماني




قصيدة بعدمو انة ذاك
بعد موانة ذاك الينحسبلة احساب
انكسر سيفي دكلي اشيطعن اكرابي
ونسل منجل حصادي وكاعي شبعت بور
وملح الضيم فاظ وغرك اترابي
ونوم اهل الكهف ووسادة النسيان
ولا دكت محب وافززت بابي
وشبر عن النهر اتعب واحفربير
لأن ماريد اطلب حاسب احسابي
ترد باجرصحو وايصيربيها ازماط
اريد ازمط صدك خل غيرجذابي
واريد اظحك صدك عالشفة اشر اسنون
واشيل من الاصابع عظت انيابي
واغني من الكلب واطرب واركص الروح
واكلها العيد هذا وعيدي يثيابي
يعزلهم عزل طركاعة ظرف العوز
منوياهو اليظدني وياهم احبابي





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل
معلومات العضو
Prince Mody

avatar

رئيس أقسام المنتدى
معلومات إضافية
تاريخ التسجيل : 12/09/2012
الـمشاركـات : 1007
عدد النقاط : 4146
ذكر
السعودية

قوة السمعة : 10

معلومات الاتصال

Prince Mody
 

 

 


شكرا لك ولاحرمنا الله جمال طرحك وتواجدك
دمت بخير



لااله الا الله
محمد رسول الله
استغفرالله
واتوب اليه

الرجوع الى أعلى الصفحة اذهب الى الأسفل
معلومات العضو
Most Wanted

avatar

إدارة المنـتـدى
معلومات إضافية
تاريخ التسجيل : 12/04/2009
الـمشاركـات : 7176
عدد النقاط : 24714
ذكر
العراق

قوة السمعة : 12

معلومات الاتصال

Most Wanted
 

 

 

العفوو حبيبي منور





█████████
☆ الله☆ اكبر ☆
█████████
IRAQ
صح  â™️¥ العراق â™️¥ انجرح .......... بس هذا مو مقياس
النخ️Ù„ من ينجرح .......... مايشتكي من الفاس
مادام اسمنه  â™️¥ عراق â™️¥.......... يعني احنه تاج الراس
ينقاس بينه الذهب .......... مو بالذهب ننقاس





 
الرجوع الى أعلى الصفحة اذهب الى الأسفل

الشاعر سمير صبيح ومجموعه من قصائده

استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عراق نت :: (¯`·._.·[المنتديات الادبية]·._.·`¯) :: منتدى الشعر الشعبي-