السنين من الزمن جت تطلب حروف

السنين من الزمن جت تطلب حروف
ورجع جف الزمن دك باب السنين

هل من وصف اوصف داحي الباب؟
وإذا البيبان ردمت بالروازين

موسهلة القصيدة توصف انسان
مثلك والوصف يدّبر منين؟

ماطالب من احد بالشعر عون
بس عليك ساعدني يبو حسين

علمني الشعر شيوصل وياك؟
إذا سيفك قلم ينزف دواوين

الوادم من تجي للدنيه عميان
وجيتك فكست عيون الشياطين

الطفل يصرخ باول مايجي الكون
بديهي تنكلب عنده الموازين

بس انت الموازين ابتلت بيك
طحت ساكت وشكيت الحياطين

عيونك قسمتهن خاطر تشوف
عين عله اليتامه وعالحرب عين

قصيدة انته وطبرتك فوك عنوان
وعله المطلع نزف دم العناوين

اذا تسكت ورد تكطر ثناياك
واذا تحجي تشك الخام نصين

مايحتاج راسك للملك تاج
جنت تسحك عله اركاب السلاطين

يحيدر والوطن يحسبلك تعود
وتشل الجرح بخيوط الشرايين

مثل ركبة حسين بيوم عاشور
كلت بركابنه حلوك السجاجين

يتيم الوطن بعدك ريتك تشوف
وعله راسه ابدالك يمسح البين

صفين انتهت بس ردت انوب
وهسه بعازتك مولاي صفين

الوطن ذبلن عيونه ودمع صفين

عله ارتال الضحايه الفجر صفين

صفين انتهت وانوب صفين

دعجل ياعلي وحل القضية

الشاعر
ميثاق الهلالي

السنين من الزمن جت تطلب حروف

السنين من الزمن جت تطلب حروف

مواضيع ذات صلة