الشمس محتاجه حيدر

الشمس محتاجه حيدر يوم ردت ليه
علي ماكلهه ردي أو مو بعازتهه
علي عين الشمس تستمد منه النور
ولا فد شي عجيب الشمس ردتهه
علي مركز الدنيه وكله حوله أدور
ألشمس هيه بعلي تكتمل دورتهــه
علي رموش اليتامه وليتامه أعيون
وحدر جفنه أليتامه تصير نومتهه
ويطشر الماي أنجان ماكو أجروف
وعلي جروف اليتامه الحفض لمتهه
علي وماتسد جوعه أجفوفه مدري شلون
من عده اليتامه تسد جوعتهه
علي ولجل اليتامه دموعه تبجي وياه
علي وتخنك أعيونه الدمعه عبرتهه
علي بتنور جفه حطب عبه الجوع
ومد الشبع سفره وصاغ خبزتهه
علي صاغ ألخبزالآيتامه حنت عيد
وجفوف الآيتام الخبزه حنتهه
علي ثلمت يمنته خبز للايتام
بكثر ما بألحروب سيوف ثلمتهه
ويداري اليتامه أمنبوا طالب جان
متكفل نبي الامه ورسالتهه
لذلك مو عجيب يحب علي الايتام
ولفروع أعله أصلهه أتصير ميلتهه
وجان ابجفه حيدر يقلع ألبيبان
وبواب ألعقول أفكاره قلعتهه
علي أومن عصت خيبر ناشده ألمختار
بس بيدك علي تنزاح شدتهه
جيبو الرايه يمه وعلي صاح بصوت
ماريدن ألرايه أومو بعازتهه
وصله قماش خيبر حيدر اتعناه
شكهه وشال بيده الباب رايتهه
ورفرف بابهم وبيمنت الكرار
وطارت روس يمنتهه اعله يسرتهه
وستنكف يثبت رايته أعله ألكاع
جر مرحب علي وبسدره ثبتهه
علي ومن صال بيهم رجفت الحيطان
وفرسان الحصن من فوك شمرتهه
اومو بس باب خيبر ذبته من ألخوف
شكو بيبان حدر ألحصن ذبتهه
علي سجدة صلاه بكصت الاسلام
وبوجه العباده أصبح علامتهه
سماهم بالوجوه المؤمنين أتصير
أذن كلهه بعلي تكمل عبادتهه

الشاعر
كرار الغريفي

الشمس محتاجه حيدر

الشمس محتاجه حيدر

مواضيع ذات صلة